Sot në Kosovë na pret mot kryesisht me intervale të gjata kohore me diell dhe ngrica në mëngjes. Gjatë ditës do të fryjnë erëra të ftohta nga veriu dhe verilindja, ndërsa temperaturat pritet të lëvizin nga -5 ato minimale deri në 9 gradë Celsius ato maksimale. Priten edhe vranësira lokale ku ka mundësi për ndonjë fjollë sporadike bore.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me intervale kohore me diell dhe vranësira lokale. Fjolla sporadike bore mund të ketë në disa vise të Luginës së Preshevës.
Të mërkurën pas një mëngjesi të ftohtë dhe me ngrica, gjatë ditës pritet kryesisht me diell, ndërsa paradite priten vranësira në pjesën veriore dhe lindore të Kosovës. Vranësirat do të tërhiqen gjatë ditës kur priten edhe rritje të temperaturave deri në 10 gradë Celsius.
Nga e enjta rritje të ndjeshme të temperaturave ditore për shkak se do të fillojnë të fryjnë erëra më të ngrohta nga jugperëndimi./MeteoBallkan
