Sot në Kosovë pritet të kemi përmirësim të motit, por do të jetë ftohtë për shkak të erërave të ftohta nga veriu.
Mëngjesi do të jetë i ftohtë dhe me ngrica lokale e vranësira të pjesshme të cilat gjatë ditës do të largohen. Dita do të jetë kryesisht me diell sidomos pasdite, por e ftohtë me temperaturë maksimale afër 8 gradë Celsius në nivel vendi.
Në Shqipëri dhe rajon paradite priten më shumë vranësira, ndërsa pasdite do të ketë kthjellim të motit në tërë rajonin. Temperaturat do të shënojnë ulje në tërë rajonin, përpos viseve mesdhetare të Shqipërisë ku ulja e temperaturave do të ndjehet më pak.
Të hënën na pret një mëngjes i ftohtë dhe me ngrica, ndërsa dita stabile dhe me rritje të temperaturave.
Të martën edhe më ngrohtë dhe me intervale të gjata kohore me diell e vranësira lokale. Të mërkurën përkeqësim gradual i motit. Fillimisht priten reshje shiu, pastaj në mbrëmje edhe reshje lokale bore./METEOBALLKAN