Ditët e pranverës po fillojnë dhe temperaturat po rriten. Shtëpia e madhe meteorologjike amerikane AccuWeather ka publikuar parashikimin e përgjithshëm të motit në Evropë dhe Ballkan.
“Një pranverë mjaft aktive me reshje atmosferike” mund të konkludojmë nga rezultatet e parashikimit të ekspertëve ndërkombëtar të ekipit profesional të meteorologëve të AccuWeather.
Rritja e temperaturave parashihet në gati tërë kontinentin, ndërsa ajri i ftohtë do të mbetet prezent ende në Evropën veriore. Stuhitë e forta dominojnë Evropën jugore.
Paterni dominant i stuhive në Evropën jugore do të ndikojë drejtpërdrejt në vendet dhe territoret tona, ngase parashihen reshje të shpeshta atmosferike dhe duke u rritur temperaturat reshjet mund të jenë të fuqishme dhe në formë të shtrëngatave. Kjo rrit potencialin për vërshime të reja në Ballkan gjatë kësaj pranvere.
Stuhitë më të fuqishme AccuWeather parasheh të ndodhin në Gjermani dhe Poloni, ndërsa rrebeshe të shpeshta me bubullima parashihen në Spanjë dhe përgjithësisht në Iberi. Reshje dhe rrebeshe bore parashihen në Britani të madhe në fillim të pranverës.
Në Ballkan temperaturat do të vazhdojnë të rriten si pasojë e ndikimit të Mesdheut dhe njëkohësisht masat ajrore ciklonike mbesin mjaft aktive në Mesdhe. Kjo nënkupton reshje të shpeshta shiu, rrebeshe dhe potencial për vërshime.
Pra, ekspertët e AccuWeather parashohin pranverë të ngrohtë por me reshje të shpeshta në rajonin tonë.
Parashikimi i AccuWeather për dimrin 2023 ishte gogja i saktë, ndërsa mbetet të shihet se si do të shkojnë ngjarjet sinoptike në pranverën 2023./METEOBALLKAN
