Pothuajse të gjitha modelet globale kompjuterike për parashikim të motit simulojnë një “goditje” të vonshme dimërore në Ballkan duke përfshirë edhe territoret tona.
Edhe pse nga nesër pritet të kemi rritje të ndjeshme të temperaturave, masat e ftohta ajrore pritet të rikthehen në fillim të javës së re duke rritur gjasat edhe për fjolla bore në shumë vise të rajonit tonë.
Nga e enjta deri të dielën do jemi nën ndikimin e masave mjaft të ngrohta ajrore që vijnë nga perëndimi dhe jugperëndimi, ndërsa në fillim të javës së re një ciklon i fuqishëm zhvendoset nga Evropa veriore, ndërsa fronti i ftohtë i tij do të arrijë në territoret tona duke kushtëzuar ulje të ndjeshme të temperaturave dhe erëra veriore.
Sa i përket reshjeve eventuale të borës nuk duhet të ngutemi me konkluzione nga tani. Gjithsesi në disa rajone priten fjolla kalimtare bore, por për këtë duhet të presim evoluimin e mëtutjeshëm të gjendjes sinoptike dhe të jemi më të saktë./METEBALLKAN
