Dy persona humbën jetën dhe 21 të tjerë u plagosën nga përmbysja e një autobusi pasagjerësh në Erzincan të Turqisë.
Aksidenti ka ndodhur herët në mëngjesin e sotëm në rrugën Erzincan – Sivas, ku si pasojë e reshjeve kishte borë e edhe akull.
Sipas të dhënave paraprake dy persona kanë humbur jetën dhe 21 të tjerë janë plagosur.
Dyshohet se deri tek aksident ka ardhur pasi autobusi ka rrëshqitur për shkak të akullit në rrugë.
Pas denoncimit, në vendin e aksidentit janë dërguar një numër i madh ekipesh mjekësore, zjarrfikëse dhe shpëtimtare, si dhe policia për të hetuar.
