Sot në Kosovë pritet të mbajë mot i ngrohtë, me diell dhe në disa zona me vranësira të shtresave të larta. Pasdite vonë një front i ftohtë ajror i cili do të përfshijë fqinjin tonë verior mund të ndikojë edhe në motin në veri të Kosovës duke krijuar kushte për rrebeshe lokale shiu me vetëtima dhe bubullimë në disa zona në veri dhe verilindje të vendit.
Temperaturat pritet të luhaten nga 12 minimalja deri në 31 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe re të shpresave të larta në disa zona. Pasdite vonë në veri të Malit të Zi parashihen rrebeshe lokale shiu me vetëtima dhe bubullimë. Në Shqipëri, Maqedoninë Veriore dhe Luginë nuk priten reshje.
Masa jo-stabile ajrore do të depërtojë më në jug ditën e martë dhe si pasojë në Kosovë priten zhvillime të rrebeshe lokale të shiut me vetëtima dhe bubullimë. Rrebeshe lokale të martën priten edhe në disa pjesë të Maqedonisë së Veriut dhe verilindje të Shqipërisë si dhe më së shumti në veri të Malit të Zi. Reshjet do të jenë të karakterit lokal tipike verore dhe nuk do të zgjasin shumë. Temperaturat do të pësojnë ulje kryesisht të lehta.
Edhe dita e mërkurë pritet të jetë jo-stabile, me periudha me diell dhe zhvillime lokale të vranësirave konvektive me mundësi për rrebeshe lokale shiu me vetëtima dhe bubullimë./MeteoBallkan
