Korridori i masave jo-stabile ajrore nga Atlantiku dhe Evropa veriperëndimore po kushtëzonë zhvillime ciklonike stacionare në Mesdhe, gjegjësisht në Itali ku po mbanë mot jashtëzakonisht i paqëndrueshëm dhe kjo po reflektohet edhe në rajonin tonë.
Për këtë arsye kemi erëra na juglindja dhe vranësira të shpeshta, ndërsa reshjet e dendura të shiut dhe rrebeshet mbesin prezente në Itali, Slloveni, Kroaci, Bosnjë dhe Hercegovinë etj. Reshjet e shiut do të përfshijnë edhe jugun e Shqipërisë, ndërsa gjatë natës ose nesër edhe Kosovën, pjesët e tjera të Shqipërisë, Maqedoninë Veriore, Malin e Zi dhe Kosovën lindore.
Këto masa ajrore ciklonike do të sjellin “porcione” të shpeshta reshjesh dhe rrebeshesh shiu gjatë ditëve të ardhshme në gati tërë territoret tona.
Logjikisht temperaturat shënojnë rënjë në kohën e vranësirave dhe reshjeve, ndërsa rriten në kohën e intervaleve kohore me diell.
Përmirësim të motit parashihet të kemi nga e premta për shkak të ardhjes së një anticikloni të përkohshëm, megjithatë korridori i ajrit mjaft jo-stabil mbetet i hapur që nga Atlantiku dhe Evropa veriperëndimore të vijnë masa tjera ajrore jo-stabile që do të mbajë kushte mjaft të paqëndrueshme të motit. Sipas ecurive aktuale sinoptike përmirësim të motit do të kemi të premtën dhe të shtunën, por rrebeshe e shiut rikthehen të dielën./METEOBALLKAN
