Erërat jugperëndimore e jugore që frynë djet gjatë ditës vende-vende ishin të fuqishme, ndërsa gjatë natës kishim depërtimin e frontit të ftohtë dhe erërat do të ndryshojnë drejtim dhe do të fillojnë të fryjnë nga veriu e verilindja. Gjatë depërtimit të frontit të ftohtë dhe pas mund të ketë prapë erëra të fuqishme nga veriu e verilindja, ndërkohë që temperaturat po shënojnë ulje.
Fronti i ftohtë do të shoqërohet edhe me reshje lokale shiu.
Sot në Kosovë pritet të mbajë mot me vranësira dhe më ftohtë. Vende-vende parashihen reshje shiu dhe mund të ketë edhe rrebeshe lokale pak më të theksuara në Dukagjin.
Reshje lokale shiu sot priten edhe në Shqipëri, Maqedoninë Veriore dhe Mal të Zi, ndërsa në disa zona parashihet edhe ndonjë rrebesh lokal shiu me vetëtima dhe bubullimë. Nuk do mungojnë intervalet kohore me diell, por vranësirat do të jenë më dominante.
Të enjten dhe të premtën më ngrohtë, me diell dhe vranësira dhe po ashtu me mundësi për ndonjë rrebesh të izoluar shiu me ndonjë bubullimë. Erërat do të ndryshojnë drejtim përsëri dhe do të rikthehen të fryjnë nga jugu e jugperëndimi.
Fundjava vjen me reshje atmosferike. Detajet për fundjavë gjatë postimeve tjera./MeteoBallkan
