Sot në Kosovë pritet të mbajë mot i ndryshueshëm, me diell dhe vranësira të cilat do të sjellin rrebeshe afatshkurtra shiu me vetëtima dhe bubullimë. Rrebeshet do të jenë në zona të izoluara, ndërsa herë pas here parashihen erëra të fuqishme nga jugperëndimi.
Temperaturat pritet të luhaten nga 10 minimalet deri në 24 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira. Lokalisht priten zhvillime konvektive me rrebeshe lokale shiu me vetëtima dhe bubullimë, më intensive në pjesë të Shqipërisë dhe Malit të Zi. Erërat e fuqishme do të jenë të pranishme në shumë rajone.
Stuhi të fuqishme me shiu të dendur dhe rrebeshe intensive nesër priten në Kroaci, Bosnjë dhe Hercegovinë dhe Serbi.
Gjatë natës në Kosovë depërtim i frontit të ftohtë ajror me rrebeshe lokale shiu dhe erëra veriore.
Të mërkurën pak më ftohtë pas depërtimit të frontit të ftohtë ajror. Priten intervale kohore me diell dhe vranësira me reshje lokale shiu e në disa zona ndonjë rrebesh lokal shiu me vetëtima dhe bubullimë.
Të enjten pak më qetë dhe me rritje të temperaturave, ndërsa reshje lokale priten prapë mëngjesin apo ditën e Premte./MeteoBallkan
