Vranësira të shpeshta, intervale kohore me diell dhe riga lokale shiu po karakterizohet moti në trojet tona këto ditë. Temperaturat janë të ulëta dhe nën vlera mesatare për këtë periudhë kohore.
Dominanca ciklonike në Mesdhe veçanërisht në Itali po shkakton këto turbullira të pandërprera, por në veriperëndim të Ballkanit reshjet janë edhe më intensive.
Mot i ngjashëm do të vazhdojë edhe ditëve të ardhshme me dendësim të herëpashershëm të vranësirave dhe riga lokale shiu. Reshjet nuk do të jenë pa ndërprerje, por vetëm herë pas here. Në kohën e intervaleve kohore me diell temperaturat shënojnë rritje, ndërsa në kohën e vranësirave (të cilat ende do të jenë me bollek) dhe reshjeve eventuale ato shënojnë ulje dhe kjo është e kuptueshme.
Italia do të dominohet edhe shumë ditë nga masa të fuqishme ajrore ciklonike dhe kjo pashmangshmërisht do të ndikojë edhe në territoret tona. Përmirësimi afatgjatë i motit ende nuk duket në horizont./METEOBALLKAN
