Atmosfera jashtëzakonisht e paqëndrueshme në Italinë veriore ka nxitur zhvillimin e strukturave të fuqishme të vranësirave konvektive që po shkaktojnë stuhi mjaft të fuqishme lokale.
Orëve të fundit në territorin e Milanos diku në periferi është shënuar edhe një tornado e cila është e fuqishme dhe mund të ketë shkaktuar dëme mjaft serioze në zonën e ngushtë ku ka goditur.
Sidoqoftë, tornadot edhe pse dukuri më e rrallë në territorin evropian nuk janë krejtësisht të pazakonshme, ngase ndodhin pothuajse çdo verë kur krijohen kushtet e përshtatshme, prandaj çdo përpjekje për të raportuar si diçka që nuk ka ndodhur kurr ose si diçka super e frikshme nuk është asgjë tjetër përpos injorancë ose propagandë.
Kur kemi kësi dallime të mëdha në temperatura dhe në presionin atmosferik gjithnjë ka kushte edhe për krijimin e strukturave tornadike në atmosferë dhe kjo në Milano ka prekur edhe tokën.
Të shpresojmë sa më pak dëme materiale dhe larg qofte ato njerëzore./METEOBALLKAN
