Një valë e re nxehtësie është zhvilluar në Evropën jug-qendrore dhe parashikohet të arrijë kulmin këtë javë. Temperaturat do të kapin përsëri 40 °C.
Temperaturat janë rritur ndjeshëm në ditët e fundit dhe kjo vapë parashikohet të intensifikohet në ditët në vijim.
Do të sjellë temperatura përvëluese në Spanjë, Portugali, Francë, Itali dhe në pjesën më të madhe të Gadishullit Ballkanik.
Temperaturat do të sillen afër 45 gradë Celsius në pjesë të gadishullit Iberik, 40 gradë në Francën jugore dhe në Italinë veri-qendrore dhe nga 30 gradë deri në 40 gradë në të gjithë Ballkanin jug-qendror.
Vapa ekstreme, ende e vazhdueshme në Turqi dhe Lindjen e Mesme, pritet të vazhdojë edhe për një javë.
Këto ngjarje afatgjata shoqërohen me një veçori në shkallë të gjerë të njohur si kupola e nxehtësisë, e cila ka dominuar modelin e përgjithshëm të motit në Evropë që nga mesi i gushtit.
Kjo veçori intensifikohet më tej dhe parashikohet të arrijë kulmin e valës së fuqishme të të nxehtit në ditët në vijim.
Vala e nxehtësitë do të përfshijë edhe Gadishullin Ballkanik dhe të jetë mjaft intensive, por prapëseprapë mbetet jo aq intensive sikur në Evropën Jug-Perëndimore. /MeteoBallkan/
