Situata në Volos, Greqi është dramatike. Përmbytjet kanë shkaktuar një viktimë, ndërsa një person është zhdukur.
Sipas parashikimeve sasia e ujit pritet të arrijë në 700 tonë për hektar.
Në spitalin e Volos, uji ka hyrë uji ka hyrë në parkingun nëntokësor ku ndodhen magazinat e materialeve dhe kuzhinat. Gjithashtu ka përmbytur edhe sallën ku përpunohen medikamentet e kimioterapisë. Për pasojë këtë të martë nuk do të kryhen 18 trajtime, të cilat do të kryhen nesër me makineri rezervë.
Viktima që humbi jetën nga përmbytjet në Volos ishte një blegtor 51-vjeçar. Një mur pranë shtëpisë së tij u shemb nga vëllimi i ujit dhe e zuri poshtë.
Ndërkohë, në zonën e Agia Ekaterinës, makina e një 34-vjeçari u përmbyt dhe burri është zhdukur.
Në 24 orët e fundit ka pasur 200 tonë ujë për hektar në Volos, ndërsa shiu vijon intensiv dhe pa ndërprerje.
Videot e postuara në rrjetet sociale tregojnë situatën kaotike, ndërsa dhe kryebashkiaku i Volos, Aichlleas Beos ka shprehur shqetësimin duke e ilustruar me pamje nga vendngjarja.
Problemet më të mëdha janë konstatuar në zonën e Neapolis, Fushën e Areos dhe Agios Anargyros ku shumë akse rrugore janë bërë thuajse të paarritshme. Sasi të mëdha uji janë grumbulluar në rrugën Larisis, përballë ndërtesës së PPC dhe në të dy rrymat e trafikut, si dhe në kryqëzimin e rrugëve Larisis dhe Neapoleos, në rrugën Neapoleos, në Avenue Athinë, përballë Universitetit të Thesalisë.
