Ata të cilët kanë planifikuar pushime këto ditë nuk duhet të brengosen fare, ngase do të ketë përmirësim të kushteve të motit në gati tërë rajonet bregdetare të Shqipërisë dhe Malit të Zi.
Në Evropë janë rritur dukshëm temperaturat ku më së nxehti është në Francë. Temperaturat atje kanë kulmuar deri edhe mbi 35 gradë Celsius. Kjo valë nxehtësie po përhapet gradualisht në shumë vise tjera të kontinentit të Vjetër. Një pjesë e kësaj mase mjaft të nxehtë ajrore do të vijë edhe në viset tona, por asesi nuk pritet të kemi nxehtësi ekstreme.
Edhe në territoret tona do të kemi rritjen e presionit atmosferik dhe më këtë nënkuptojmë fuqizimin e mases ajrore stabile anticiklonike. Si pasojë do të kemi rritje të temperaturave për disa ditë me radhë dhe sipas ecurive aktuale sinoptike mot stabil, i ngrohtë dhe me diell na pret deri afër dates 15 Shtator, me mundësi që edhe pas kësaj date të ketë mot të mirë sidomos për viset bregdetare, por kjo mbetet të shihet ngase nuk është fare e sigurtë.
Pra, ata që kanë planifikuar pushime të vonshme nuk duhet të brengosen të paktën deri më 15 Shtator, ndërsa pas kësaj date shumë opsione janë të hapura dhe mbetet të shihet evoluimi i gjendjes sinoptike./METEOBALLKAN
