Nga e marta edhe në Kosovë do të ketë rritje më të ndjeshme të temperaturave për shkak të fuqizimit të masave mjaft të ngrohta ajrore që një kohë të gjatë po qëndrojnë në Evropën perëndimore.
Kjo masë mjaft e nxehtë ajrore do të fuqizohet në Mesdheun qendror, Itali dhe Ballkan, duke rritur temperaturat edhe më shumë në Shqipëri, pastaj edhe në Kosovë nga dita e martë deri të enjten dhe premten kur pritet që temperaturat të ulën në disa vise për shkak të rrebesheve të izoluara të shiut me vetëtima dhe bubullimë.
Pra, po vazhdon moti veror dhe me rritje të mëtutjeshme të temperaturave veçanërisht në Itali dhe Shqipëri, ndërsa nga e marta edhe në Kosovë dhe Maqedoninë Veriore.
Shtatori po vazhdon të jetë mjaft i nxehtë edhe kët vit për Kontinentin e Vjetër dhe trendi i tillë do të vazhdojë edhe më tutje me përkeqësim dhe ulje afatshkurtra të temperaturave./METEOBALLKAN
