Pas reshjeve të dëborës së ditëve të kaluara tek ne janë përqëndruar masa të ftohta ajrore me origjinë polare. Ngjashëm do të jetë edhe nata e sontme pra mjaft e ftohtë por asgjë ekstreme nuk pritet. Këto temperatura edhe pse janë dukshëm nën mesatarën për këtë periudhë kohore janë normale. Edhe mëngjesi i nesërm do të jetë mjaft i ftohtë, por gjatë ditës temperaturat do të shënojnë ngritje në shumë rajone. Përjashtim mund të bëjnë ato rajone ku eventualisht do të krijohet mjegull.
Nga dita e Premte priten ngritje të mëtutjeshme të temperaturave, por do të ketë mundësi që të kemi edhe reshje kryesisht të dobëta shiu dhe bore. Gjithashtu, do të ketë gjasa që lokalisht të kemi shi të akullt.
Në fundjavë priten ngritje të theksuara dhe të ndejshme të temperaturave, si rezultat e depërtimit të masave ajrore më të nxehta nga Altantiku dhe Mesdheu. Në këtë mënyrë jemi dëshmitar të ndryshimeve të shpeshta të motit dhe temperaturave këtë muaj. Pas ngritjes së temperaturave periudhë që do të zgjasë disa ditë nga java e ardhshme përsëri do të kemi ulje të temperaturave. Për këtë dhe zhvillime tjera në postimet tona të ardhshme në meteoballkan.com./Meteoballkan
