Në veri të Italisë ka filluar destabilizimi i fortë i atmosferës dhe lokalisht ka stuhi të fuqishme shiu e breshëri. Kjo masë mjaft jo-stabile ajrore po përfshinë edhe pjesë të Zvicrës, jugut të Gjermanisë, pjesë të Austrisë, ndërsa gjatë orëve të ardhshme, natën dhe të martën do të përfshijë pjesë të Sllovenisë, Kroacisë, Bosnjës dhe Hercegovinës, Serbisë, madje edhe disa vise të Republikës së Kosovës dhe Maqedonisë së Veriut.
Përkundër kësaj në Kosovë, Shqipëri dhe Maqedoninë e Veriut do të ketë rritje të mëtutjeshme të temperaturave, ndërsa freskia do të vjen vetëm në ato zona ku do të ketë zhvillime të rrebesheve lokale të shiut me vetëtima dhe bubullimë. Zhvillimet do të jenë të karakterit lokale dhe do të kapin disa pjesë të Kosovë, si dhe disa vise kryesisht kodrinore-malore të veriut të Malit të Zi, Luginës së Preshevës dhe Maqedonisë së Veriut. Më së paku zhvillime priten në Shqipëri.
Zhvillimet në veri të Italisë dhe afër kufirit me Slloveninë sonte
Të Mërkurën do të ketë ulje kryesisht të lehta të temperaturave, ndërkohë që vazhdojnë intervalet kohore me diell dhe zhvillimet lokale të rrebesheve të shiut vetëm në rajone të caktuara, pra ende nuk kemi ndonjë ciklon që do të sillte reshje gjithëpërfshirëse shiu, megjithatë disa rajone do të freskohen gjatë dy ditëve të ardhshme dhe mund të përfitojnë reshje paksa më intensive.
