Fillimisht rrebeshe intensive dhe stuhi të forta parashihen në territorin e Malit të Zi dhje jugut të Hercegovinës. Më vonë sistemi frontal do të zhvendoset drejt veriut dhe veriperëndimit të Shqipërisë duke kushtëzuar rrebeshe mjaft intensive lokale shiu me vetëtima dhe bubullima masive.
Gjatë orëve të mbrëmjes së vonshme dhe natës stuhi tjera formohen përgjatë bregdetit shqiptar edhe qendër, perëndim dhe jug të vendit. Këto stuhi me rrebeshe shiu do të jenë të lokalizuara, pra nuk do të kapin tërë bregdetin.
Ndërkohë, orëve të vonshme të pasdites ose mbrëmjes nga Mali i Zi sistemi frontal përparon drejt Kosovës duke sjellur reshje dhe rrebeshe shiu Dukagjinit dhe veriut të Republikës së Kosovës. Gjatë natës rrebeshe shiu priten në shumë pjesë të Kosovës dhe përjashtim mund të bëjë lindja e Kosovës.
Në aspektin termik temperaturat do të shënojnë ulje të lehta sidomos me ardhjen e reshjeve lokale, por duhet theksuar se i ngrohti do të vazhdojë edhe për shumë ditë për shkak të gjendjes sinoptike dhe rrymimeve të vazhdueshme të fuqishme ajrore nga jugu dhe jugperëndimi./METEOBALLKAN
