Nesër në Kosovë na pret mot i stuhishëm sidomos orëve të pasdites dhe mbrëmjes. Paradite pritet të kemi intervale kohore me diell dhe vranësira lokale, me mundësi për ndonjë rigë ose rrebesh lokal shiu. Pasdite dendësim i madh i vranësirave me rrebeshe shiu, lokalisht edhe vetëtima dhe bubullimë. Në rajonet veriperëndimore të Kosovës reshje shiu mund të ketë që nga orët e hershme të mëngjesit.
Në Shqipëri nesër pritet të mbajë mot me intervale kohore me diell dhe zhvillime të fuqishme të vranësirave të shiut të cilat me dendësimin e tyre masiv do të kushtëzojnë rrebeshe intensive shiu me vetëtima, bubullimë dhe mundësi për breshër. Vende-vende priten shtrëngata të fuqishme me vetëtima dhe bubullima masive.
Rrebeshe intensive nesër pasdite vonë dhe në mbrëmje priten edhe në Maqedoninë Veriore dhe Luginën e Preshevës, ndërsa rrebeshet më të fuqishme priten në Mal të Zi.
E shtuna sjellë rigjenerim të reshjeve të shiut në Kosovë, ndërsa në Shqipëri dhe Maqedoninë Veriore priten rrebeshe intensive shiu me vetëtima dhe bubullimë. Lokalisht rrebeshet do të jenë aq intensive sa që do të shkaktojnë vërshime të shpejta dhe problematika të ndryshme. Kjo vlenë më së shumti për jugun e Shqipërisë dhe Maqedoninë Veriore, ndërsa të premtën stuhitë më intensive priten në veri të Shqipërisë dhe Mal të Zi. Edhe rajonet në Kosovë që kufizohen me Malin e Zi dhe pjesërisht edhe disa vise në Shqipëri mund të ballafaqohen me probleme për shkak të reshjeve të mëdha eventuale.
E diela po ashtu sjellë mot të ndryshueshëm, me intervale kohore me diell dhe vranësira e reshje apo rrebeshe lokale shiu kryesisht orëve të pasdites./MeteoBallkan
