Nesër në Kosovë pritet të mbajë mot kryesisht i vranët dhe herë pas here me reshje e rrebeshe shiu, ndërkohë që nganjëherë lokalisht mund të ketë intervale kryesisht të shkrurtra kohore me diell. Temperaturat do të jenë rreth vlerave mesatare për këtë periudhë kohore dhe ajo maksimale pritet të arrijë deri në 12 ose 13 gradë Celsius.
Në Shqipëri, Maqedoninë e Veriut, Luginën e Preshevës dhe Mal të Zi nesër pritet të mbajë mot pothuajse plotësisht i vranët dhe me reshje e rrebeshe lokale shiu, ndërkohë që pritet valë e re reshjesh të dendura shiu sidomos në pjesën qendrore dhe jugore të Shqipërisë. Në mbrëmje ose pasdite vonë në qendër dhe jug të Shqipërisë mund të ketë shtrëngata të fuqishme lokale me reshje mjaft intensive.
E Hëna dhe Marta sjellin përmirësim të motit. Parashihen intervale kohore me diell, vranësira dhe rritje e temperaturave, Rrallëkund pritet ndonjë rigë ose rrebesh i shkurtër shiu.
Të mërkurën një front i fuqishëm i ftohtë ajror do të kushtëzojë destabilizim të fuqishëm të motit në Kosovë ku priten reshje dhe rrebeshe intensive shiu, por të cilat reshje nuk do të zgjasin shumë. Në viset më të larta malore priten reshje të dendura bore. Fronti do të jetë kalimtar pot mjaft potent.MeteoBallkan
