Cikloni i cili solli reshje shiu në territoret tona dy ditët e kaluara, tani është larguar në brigjet e Afrikes veriore ku po shkakton stuhi të fuqishme dhe reshje të rrëmbyeshme shiu në pjesë të Algjerisë dhe Tunizisë.
Në Azore kemi anticiklonin permanent i cili bën ekspansion drejt Islandës dhe Grenlandës duke shkaktuar bllokadë anticiklonike në Atlantik. Ciklone masive nga veriu i Atlantikut pushtojnë Skandinavinë dhe Rusinë dhe pikërisht ekpansioni anticiklonik nga Azoret deri në Grenlandë, Islandë dhe Britani të Madhe mundëson ardhjen e frontit masiv të ftohtë ajror drejt territoreve tona. Njëkohësisht në jug të Detit Adriatik do të kemi krijimin e një cikloni të fuqishëm sekondar.
Cfarë nënkupton kjo?
Vërshim i ajrit të ftohtë polar përmes Skandinavisë në drejtim të Alpeve Evropiane dhe Gadishullin Ballkanik.
Cikloni sekondar do të fuqizohet shumë shpejt dhe do të zgjerohet drejt Detit Egje dhe Detit të Zi duke shkaktuar reshje intensive shiu e bore. Në Kosovë do të fillojnë reshje shiu (natën mes së premtes e së shtunës) të cilat do të shndërrohen në reshje bore duke krijuar shtresa bore, ndërkohë që shiu vazhdon në zonat më të ulëta të Dukagjinit. Më intensifikimin e ajrit të ftohtë reshje bore priten edhe në ultësirat e Dukagjinit, por ndoshta jo në 100% të territorit, ngase secili rajon ka mikro-klimen e vet specifike. Gjatë ditës së shtunën reshjet e borës do ët përfshijnë edhe pjesët kontinentale të Shqipërisë dhe Maqedoninë Veriore, ndërkohë që stuhi të fuqishme shiu e bore do të kapin Bullgarinë, Rumaninë dhe Turqinë. Do të jetë ky një ciklon me të vërtetë shumë i thellë dhe energjik që do të shkaktojë probleme të shumta sidomos Bullgari, Rumani dhe Turqi.
Në anen tjetër ajri i ftohtë polar përfshinë edhe Evropen qendrore dhe pjesë të Evropes perëndimore, ku vende-vende do të ketë stuhi shiu e bore, por nuk priten reshje bore nëpër shumë ulëtsira të Evropes. Borë pritet në ultësirat e evropes qendrore dhe në shumë pjesë të Gjermanisë. Reshje të dendura bore priten në Zvicër, Austri, Çeki dhe Poloni ku do të zbardhen edhe shumë ultësira. Në viset kodrinore-malore dimër klasik.
Vetëm Spanja, Portugalia dhe pjesë të Francës mund të “shpëtojnë” nga ajri i ftohtë polar. Kjo sezonë dimërore shumë dinamike ka filluar ndryshe nga vitet e kaluar në Evropë dhe territoret tona.
Pas reshjeve intensive që priten të shtunën, do të kemi një ditë ose dy majft të ftohta dhe kryesisht pa reshje, ndërkohë që në fillim të javës së re një tjetër ciklon i fuqishëm afrohet nga Atlantiku ku priten reshje bore të cilat shumë shpejt do të shndërrohen në reshje shiu, madje intensive, por pastaj përsëri në reshje të dendura bore.
Një mot dhe një atmosferë jashtëzakonisht dinamike na pret nga e shtuna e tujte dhe ne do të mundohemi të jemi sa më aktiv me informacione të reja./MeteoBallkan
