Ende jemi nën ndikimin e masave mjaft të ngrohta me origjinë nga Mesdheu dhe Afrika veriore për shkak të rrymimeve të fuqishme ajrore nga jugu dhe për këtë arsye ende është ngrohtë në territoret tona.
Gjatë natës dhe në mëngjes do të kemi depërtimin gradual të fronteve që vijnë nga veriu i Kontinentit në Kosovë dhe një shihet nga deti në Shqipëri. Këto fronte nuk janë të pasura me lagështi, prandaj nuk do të sjellin reshje të mëdha, megjithatë priten reshje kalimtare lokale.
Përderisa masa mjaft të ftohta ajrore polare kanë përfshirë Evropen dhe veriperëndimin e Ballkanit me reshje të dendura bore në territoret tona këto reshje do të dobësohen, por në Kosovë do të kemi ardhjen e ajrit të ftohtë polar gjatë së dieles ku erërat jugore do të ndalen tërësisht dhe do të fillojnë të fryjnë erëra të ftohta nga veriu dhe verilindja. Këtë erëra të ftohta do të jenë të fuqishme nganjëherë, por jo të rrezikshme.
Reshje shiu priten sonte lokalisht, ndërsa nesër me uljen e temperaturave priten reshje lokale afatshkurtra bore, më të të theksuara në viset kodrinore-malore. Reshje të dendura bore priten vetëm në veriun e Malit të Zi.
Fillimi i javës së re do të jetë i ftohtë dhe me acar afatshkurtër, ndërsa reshje të reja presim nga e marta vonë./MeteoBallkan
