Në kartat meteorologjike në apektin termik ose të temperaturave mund të shohim dominim e ngjyrës së kuqe në territoret tona tri ditët e ardhshme dhe kjo nënkupton temperatura mbi vlerat mesatare për këtë periudhë kohore.
Kjo do të ndodhë për shkak të rrymimeve të ngrohta ajrore nga jugu dhe jugperëndimi të cilat bartin temperaturat e larta nga Afrikan veriore dhe Mesdheu në vendet tona. Shkaktare për këtë gjendje sinoptike është kreshta termike anticiklonike nga Mesdheu dhe sidomos ardhja e ciklonit të madh nga Atlantiku i cili aktivizon erërat e ngrohta jugore para-frontale. Temperaturat maksimale nesër dhe pasnesër në Kosovë mund të arrijnë deri në 12, 13 apo 14 gradë Celsius, ndërsa në Shqipëri deri në 20 gradë Celsius.
Pra, gjatë kësaj jave do të kemi temperatura të larta për këtë periudhë kohore, megjithatë mëngjeset do të jenë të ftohta si dhe do të kemi riga të herëpashershme shiu e fjolla bore në viset malore.
Të entjen do të kemi depërtimit të ciklonit të madh nga Atlantiku i cili është shumë i pasur me lagështi dhe do të kushtëzojë reshje të dendura shiu dhe të temperaturave. Nga e premta ngjyra e kuqe largohet nga kartat meteorologjike për rajonin tonë dhe vjen ngjyra e kaltërt që simbolizon temperatura të ulëta. Për këtë do të flasim në një artikull të veçantë./MeteoBallkan
