Pas shiut të dendur që ra sot dhe ende po vazhdon në shumë zona ka filluar ulja e temperaturave në viset malore ka reshje bore. Zona ose lartësia mbidetare ku reshjet e borës do të fillojnë do të vjen u ulur vazhdimisht, por shumë ultësira nuk duhet të presin reshje bore e megjithatë disa po.
Cikloni po ikë gradualisht e pas tij fillon ardhja e masave më të ftohta ajrore me origjinë polare dhe erëra të ftohta nga veriu. Reshjet e borës do të fillojnë në shumë zona në Republikën e Kosovës sonte shkurtimisht dhe pastaj do të ndalen për të rifilluar nesër dhe pasnesër në intervale të shpeshta kohore.
Reshjet e borës nuk do të përfshijnë tërë territoret dhe përpos Kosovës priten sidomos në veri të Malit të Zi, veri-lindje-juglindje të Shqipërisë dhe shumë vise edhe në Maqedoninë Veriore. Borë pritet edhe në shumë zona tjera malore të Shqipërisë, ndërsa në Maqedoni mund të ketë edhe disa zona më të ulëta mbidetare.
Në përgjithësi nuk pritet borë e madhe, por në intervale të caktuara herë pas here priten reshje mesatare deri të dendura bore që në zonat malore do të krijohen shtresa të reja, ndërsa nëpër zona më të ulëta lokalisht aty-këtu mund të krijohen shtresa dekorative.
Shijoni këto reshje bore, ngase pastaj do të vjen deri të krijimi i një anticiklooni të fuqishëm i cili për disa ditë sipas të gjitha gjasave nuk do të ketë gjasa për reshje atmosferike, megjithatë interesante është gjendja sinoptike për festat e fundvitit ku të gjitha opsionet janë të hapura.
Pra, sonte reshje kalimtare, lokale shqote e bore, pastaj reshjet pushojnë. Nesër reshjet e borës rifillojnë në shumë zona të Kosovës dhe vazhdojnë herë pas here edhe pasnesër me intensitet të ndryshëm dhe të karakterit kryesisht lokal./MeteoBallkan
