Pas një kohe të gjatë në Kosovë sonte po depërtojnë masa të ftohta ajrore me origjinë polare. Këto masa të ftohta ajrore do të ndikojnë pozitivisht sidomos në pastrimin e elementeve toksike nga ajri ose do të ndikojnë drejtpërdrejt në përmirësimin e kualitetit të ajrit.
Masa të ftohta polare sonte do të arrijnë edhe në pjesë të Shqipërisë dhe Maqedonisë së Veriut, ndërsa vetëm lokalisht do të shoqërohen me reshje bore.
Kjo masë e ftohtë ajrore nuk sjellë ndonjë të ftohtë të madh por plotësisht normal për këtë periudhë kohore.
Reshje bore priten sonte gjatë natës dhe atë vetëm lokalisht në shumë zona të Republikës së Kosovës, Luginës se Preshevës dhe veriut të Malit të Zi si dhe në disa zona më të pakta në Shqipëri dhe Maqedoninë Veriore.
Nga nesër cikloni fillon të dobësohet dhe në viset tona do të fillojë të depërtojë masa ajrore e thatë anticiklonike që vjen nga Britania e Madhe me origjinë.
Anticikloni merr situatën nën kontroll plotësisht të mërkurën dhe të enjten, ndërsa të premtën një masë edhe më e fuqishme e ftohta ajrore nga verilindja parashihet të arrijë në viset tona, por pa ndonjë ciklogjenezë në detet përreth, prandaj i ftohti do të jetë kryesisht i thatë./MeteoBallkan
