Sot në Kosovë do të mbajë mot me intervale kohore me diell dhe vranësira kalimtare. Gjatë ditës temperaturat maksimale do të shënojnë ngritje të lehtë, por në mëngjes do të jetë acar.
Edhe në Shqipëri, Maqedoni dhe Mal të Zi sot priten ngritje të temperaturave. Nëpër lugina do të ketë mjegull kurse gjatë ditës priten intervale të gjata kohore me diell por edhe vranësira kalimtare. Nata dhe mëngjesi do të jenë mjaft të ftohta.
Edhe ditëve të ardhshme nuk pritet ndryshim i madh i motit. Do të vazhdojmë të jemi nën ndikimin e masave ajrore të thata anticiklonike të cilat qendrën e kanë në Evropën Perëndimore, ndërsa nga Mesdheu do të kemi një depërtim të lehtë të temperaturave pak më të nxehta. Nëpër lugina do të ketë mjegull, kurse nuk do të mungojnë edhe intervalet e gjata kohore me diell, por edhe vranësirat kalimtare.
Reshje atmosferike nuk pritet të ketë deri afërsisht në ditën e fundit të këtij viti ku atë ditë do të kemi gjasa që të kemi reshje kryesisht të dobëta dhe mesatare por lokale bore./Meteoballkan.
