Stuhi të fuqishme lokale shumë shpejtë pritet të formohen në shumë pjesë të Gjermanisë, Zvicrës, Austrisë Italisë etj. ku priten zhvillime të fuqishme konvektive dhe shtrëngata të forta kalimtare me shi, shkarkesa spektakolare atmosferike dhe breshër.
Më vonë sistemet do të afrohen Ballkanit përkatësisht Sllovenisë ku gjatë pasdites, vonë dhe mbrëmjes priten zhvillime të rrebesheve të fuqishme të shiut me vetëtima, bubullimë dhe breshër. Disa nga këto stuhi të izoluara mund të kalojnë edhe në viset kodrinore-malore të Kroacisë dhe Bosnjës dhe Hercegovinës. Stuhi më intensive në Kroaci dhe Bosnjë priten me avancimin e sistemeve të fuqishme konvektive gjatë ditës së Enjte.
Dita e Enjte sjellë destabilizim masiv të atmosferës edhe në Mal të Zi, kurse orëve të vonshme të pasdites disa stuhi mund të krijohen edhe në territorin e Republikës së Kosovës. Veçanërisht rrebeshe shiu priten në zonat afër Malit të Zi, por disa stuhi mund të avancojnë apo të krijohen edhe më thellë në territorin e Republikës së Kosovës.
Pasi që sistemet frontale (sipas modeleve) pritet të dobësohen në Mal të Zi duke hyrë në territorin e Kosovës kjo ngjallë shumë paqartësi nëse do të jenë të fuqishme edhe në Kosovë apo do të humbin intensitetin, ngase modelet nuk mund të përcaktojnë me saktësi të madhe. Kjo mbetet të shihet gjatë pasdites së të Enjtes.
Sot (e Mërkurë) stuhi të forta priten në Slloveni e nesër (E Enjte) në Kroaci, Bosnjë dhe Hercegovinë dhe Mal të Zi. Potencialisht edhe në Kosovë vende-vende.
Përndryshe, stuhi të forta sot do të zhvillohen sidomos në Gjermani, pjesë të Zvicrës, Austrisë dhe Italisë ku ka potencial edhe për breshër e tornado./MeteoBallkan
