Ndryshimi i motit gjatë fundjavës në kulmin e sezonit të skive shkaktoi një sërë orteqesh të rrezikshme anembanë Austrisë. Mediat austriake raportojnë se tre persona kanë humbur jetën, ndërsa shumë prej tyre deri tani janë zhdukur dhe mijëra skiatorë dhe turistë janë ndarë nga pjesa tjetër e vendit për shkak të sasive të mëdha të dëborës që kanë bllokuar shumë rrugë.
Tre të vdekur, vdekja e të cilëve deri më tani është konfirmuar janë një skiator nga Gjermania, i cili u mbulua nga orteku në Schoppernau në krahinën e Vorarlbergut dhe një tjetër turist gjerman në vendpushimin popullor të skive Damüls pranë Bregenz, që gjithashtu ndodhet në Vorarlberg. Viktima e tretë e konfirmuar është një 24 vjeçare nga Zvicra, e cila ra në një ortek 20 metra të thellë jashtë pistës dhe vdiq.
Shërbimet përgjegjëse deklaruan një rrezik të madh për ortekët të dielën në mëngjes, duke rritur nivelin e alarmit në 4, që është niveli i dytë më i lartë i rrezikut.
Dëbora në shumë pjesë të Austrisë vazhdoi të binte edhe sot, në disa provinca janë matur 30 centimetra të reja, gjë që i bën gjithnjë e më të vështira përpjekjet e shpëtimit. Ende ekziston rreziku i ortekëve të rinj, pasi dëbora e re nuk arriti të stabilizohet dhe të ngurtësohet, paralajmërojnë ekspertët dhe raportojnë mediat austriake.
Një rrezik i madh i ortekëve u shpall në krahinat austriake të Vorarlbergut, Tirolit, Austrisë së Ulët, Styria dhe Salzburg. Nga informacionet e fundit, një çift i ri austriakësh, një vajzë 23 vjeçare dhe partneri i saj 28 vjeçar, që erdhën nga vendpushimi vendas i Abtenau, u zhdukën në ortek.
Ata kanë qenë në kërkim që nga mbrëmë, policia malore dhe shërbimet e shpëtimit janë gjithashtu aktive. Por në zonën ku çifti i ri u zhduk, ende ekziston rreziku akut i ortekëve, kështu që kërkimi i personave të pagjetur duhet të ndërpritet në një moment, në mënyrë që jeta e të mbijetuarve të mos rrezikohet. Një zëdhënëse e policisë lokale tha për mediat se ka pasur disa orteq në zonën Abtenau të dielën natën, ndërsa një kërkim helikopteri u pengua nga një stuhi dëbore./MeteoBallkan
