Dy aksidente komunikacioni ka ndodhur sot në fshatin Sllatinë të Fushë Kosovës. Përveç dëmeve materiale nuk raportohet për të lënduar.
Lajmin e ka konfirmuar zëdhënësi i Policisë, Bajram Krasniqi.
“Rreth orës 07:40 janë lajmëruar dy aksidente që kanë ndodhur në Sllatinë. Nuk raportohet për persona të lënduar”, ka thënë Krasniqi.
Zëvendësministri i Infrastrukturës, Hysen Durmishi të premtën në mbrëmje pas reshjeve të vazhdueshme të borës u ka bërë thirrje qytetarëve që të kenë kujdes gjatë vozitjes.
Kujtojmë se vetëm dje në rrugët e Kosovës kanë ndodhur 67 aksidente, 2 me fatalitet, 27 me të lënduar dhe 38 vetëm me dëmë materiale.
