Nesër në Kosovë pritet të mbajë mot me diell dhe vranësira të pakta lokale. Vazhdon vapa e fortë, megjithatë temperaturat do të shënojnë ulje kryesisht të lehta nga erërat veriore e verilindore.
Pasdite rrallë në disa zona malore mund të ketë ndonjë rigë ose rrebesh afatshkurtër shiu.
Temperaturat parashihet të luhaten nga 19 minimalja deri në 34 gradë Celisus ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira të pakta lokale. Pasdite priten zhvillime lokale konvektive sidomos në Mal të Zi dhe pak në disa pjesë të Shqipërisë dhe Maqedonisë së Veriut dhe priten rrebeshe lokale shiu me vetëtima dhe bubullimë veçanërisht në pjesë të Malit të Zi.
Vapa verore do të vazhdojë edhe në fillim të javës së re, megjithatë në Maqedoninë Veriore të hënën do të ketë zhvillime të fuqishme konvektive dhe stuhi të izoluara shiu me vetëtima dhe bubullimë. Më pak zhvillime priten në Shqipëri, Kosovë dhe Mal të Zi, por nuk duhet të na befason ndonjë rrebesh lokal shiu me vetëtima dhe bubullimë. Temperaturat do të vazhdojnë të jenë të larta me freskime afatshkurtra në zonat me zhvillime të rrebesheve të izoluara të shiut me vetëtima dhe bubullimë./MeteoBallkan
