Nesër në Kosovë pritet të kemi mot kryesisht të vranët, me mundësi edhe për intervale kohore me diell në disa pjesë të vendit. Lokalisht mund të ketë riga shiu, ndërsa në malet më të larta reshje të herëpashershme ose rrebeshe bore. Në përgjithësi shumë pak reshje atmosferike. Temperaturat afërsisht nga 1 deri në 8 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me shumë vranësira e në disa zona me intervale kohore me diell. Vende-vende priten rrebeshe shiu sidomos në shumë zona të Shqipërisë. Borë vetëm në malet më të larta.
Nga e mërkura ulje të lehta të temperaturave, ndërsa do të vazhdojë mbizotërimi i vranësirave dhe reshjeve të lehta lokale. Me uljen e temperaturave mund të ketë fjolla bore në disa zona në Kosovë të Enjten.
Të Premten presim mëngjes me acar, kurse dita do të jetë e kthjellët me diell. Në fundjavë presim reshje të reja lokale./MeteoBallkan
