Cikloni i fuqishëm gjatë së premtes nga veriu i Italisë do të zhvendoset drejt jugut të Italisë dhe Ballkanit përmes Detit Adriatik duke sjellur reshje dhe stuhi shiu e bore. Stuhi shiu priten që nga Sllovenia e sidomos në Kroaci dhe Bosnjë dhe Hercegovinë dhe ma kalimin e frontit të ftohtë ftohtë do të fillojnë stuhi bore në viset kodrinore-malore sidomos të Kroacisë, Bosnjës dhe Malit të Zi.
Shtjella ciklonike të premten pasdite vonë dhe gjatë natës do të rrugëtojë me shpejtësi edhe në drejtim të Shqipërisë, Kosovës dhe Maqedonisë së Veriut= Greqisë dhe si pasojë pritet të ketë dendësim masiv të vranësirave dhe reshje e rrebeshe shiu.
Reshje e rrebeshe intensive shiu me vetëtima dhe bubullimë pasditen e së premtes do të përfshijnë shumë zona bregdetare të Shqipërisë. Në Kosovë do të fillojnë reshje lokale shiu me rrymime ajrore nga jugu të cilat do të intensifikohen gjatë orëve të natës. Me depërtimin e frontit të ftohtë natën vonë ose mëngjesin e hershëm të së shtunës do të fillojnë të fryjnë erëra të ftohta nga veriu e në shumë zona të Kosovës do të ketë reshje bore. Intervale reshjesh mjaft të dendura bore do të ketë në viset kodrinore-malore, por edhe në shumë zona të ulëta të Kosovës. Reshje bore priten edhe në veri-verilindje dhe lindje të Shqipërisë dhe shumë vise të Maqedonisë së Veriut. Përjashtim mund të bëjnë zonat më të ulëta. Shtresa më të mëdha bore vetëm në zonat kodrinore-malore sepse gjatë të shtunës do të ketë ndërperje të reshjeve dhe stabilizim afatshkurtër i motit. Shtresa simbolike bore do të krijohen edhe në disa zona më të ulëta mbidetare të Kosovës dhe potencialisht edhe Maqedonisë së Veriut.
Të shtunën në mëngjes dhe paradite parashihen reshje bore të cilat gjatë ditës pushojnë. Mbetet mjaft ftohtë pas frontit të ftohtë dhe depërtimit të masave ajrore të ftohta.
Të dielën përmirësim përderisa cikloni tjetër niset nga veriu. Të Hënën arrin cikloni me reshje të reja të cilat në fillim mund të jetë të përziera me shiu e pastaj pritet të shndërrohen në reshje bore.
Informacionet për ciklonin e së premtes dhe së shtunës nuk pritet të ndryshojnë nga sa u tha më lartë, kurse për fillim të javës së re gjithsesi do të ketë ndryshime kryesisht në sasinë e reshjeve dhe kjo për shkak të atmosferës e cila do të ketë korrigjime pas ciklonit dhe frontit të ftohtë të së Shtunës.
Një është pothuajse e sigurtë se na pret një atmosferë dukshëm më dimërore disa ditë dhe të shpresojmë që të kemi borë edhe në ato zona u bie më rrallë në Kosovë./MeteoBallkan
