Nesër në Kosovë pritet të mbajë mot me vranësira e me intervale të gjata kohore me diell. Temperaturat do të vazhdojnë të jenë të larta për këtë periudhë kohore dhe më e larta parashihet deri në 15 gradë Celsius.
Në Shqipëri priten më shumë vranësira, por edhe intervale kohore me diell në shumë zona si dhe ka gjasa edhe për ndonjë rigë të dobët, të izoluar shiu.
Mot me intervale kohore me diell dhe vranësira lokala të Premten pritet edhe në Maqedoninë e Veriut, Luginë të Preshevës dhe Mal të Zi, me temperatura ende të larta për këtë periudhë kohore. Rrallë në ndonjë rajon mund të ketë ndonjë rigë të shkurtër shiu.
Mot i ngjashëm pritet edhe në fundjavë, ndërkohë që fuqizimi anticiklonik nuk lejon reshjet atmosferike. Parashihen intervale të shpeshta kohore me diell, por edhe kalime vranësirash. Temperaturat do të fillojnë të pësojnë ulje, ngase pritet që erërat të fillojnë të fryjnë nga veriu dhe veirilindja. Të Hënën dukshëm më ftohtë dhe me reshje sporadike, afatshkurtra bore./MeteoBallkan
