Sot në Kosovë pritet të mbajë mot me vranësira dhe intervale kohore me diell. Temperaturat pa ndonjë ndryshim të madh, por mund të rriten pak. Minimalja rreth -2 gradë Celsius, kurse maksimalja deri në 10 gradë Celsius. Gjatë natës reshje lokale bore përfshijnë Kosovën me erërat të ftohta nga veriu dhe ulje të ndjeshme të temperaturave.
Në Shqipëri, Maqedoninë Veriore, Luginë të Preshevës dhe Mal të Zi të Dielen pritet të mbajë mot me diell dhe vranësira. Rrallë në disa zona malore priten reshje të pakta bore.
E Hëna mjaft e ftohtë me reshje të herëpashershme, lokale bore. Në disa vise priten shtresa të vogla bore. Temperaturat shënojnë ulje të ndjeshme, por pa ndonjë ekstrem. Do të fryjnë erëra të ftohta nga veriu e verilindja. Reshje bore priten në shumë pjesë të Kosovës, veri të Malit të Zi, verilindje të Shqipërisë dhe shumë pjesë të Maqedonisë së Veriut, por reshje nuk do të jenë të mëdha sepse reshjet kryesore nga kjo valë reshjesh do ti përfitojë Rumania, Bullgaria, pastaj pjesë të Greqisë dhe në fund Turqia e cila pritet të goditet direkt nga “ariu rus” apo masa ajrore të acarta siberike.
Ditët e ardhshme na pret mot i ftohtë dhe me acar të fortë gjatë netëve dhe mëngjeseve. Edhe ditët do të jenë të ftohta sepse do të jemi në periferi të masës së fuqishme të ftohtë ajrore që shkon drejt Turqisë. Reshjet e borës në territoret tona do të jenë të rralla dhe sporadike./MeteoBallkan
