Një front i dobësuar i ftohtë ajror ka arritur të depërtojë në Kosovë dhe temperaturat kanë pësuar ulje me erëra të këndshme dhe të freskëta nga veriut. Kjo vërehet sidomos në Rrafshin e Kosovës, por edhe në Dukagjin do të ketë zbritje të temperaturave, meqenëse mbetet ende nxehtë.
Fronti i ftohtë ajror ishte mjaft i pasur me lagështi në shumë pjesë të Evropes qendrore e sidomos në rajonet Alpine evropiane dhe vendet përreth deri në Ballkan. Me përparimin e tij në drejtim të jugut fronti u dobësua plotësisht sidomos në viset tona ku siç shihet nuk madje as vranësira.
Sidoqoftë, orëve të pasdites në disa zona malore do të ketë destabilizim të atmosferës me ndonjë rrebesh të izoluar shiu me vetëtima dhe bubullimë dhe kjo mund të ndodhë në juglindje të Shqipërisë dhe aty-këtu në disa vise të Maqedonisë së Veriut. Temperaturat do të shënojnë ulje të lehta në zonat kontinentale, kodrinore-malore, por vazhdon vapa e fuqishme afrikane në Shqipërinë mesdhetare dhe bregdetare sidomos perëndimi i vendit.
Kosova do të freskohet sadopak, por reshje atmosferike nuk shihen në horizont, prandaj vazhdon thatësia e madhe, përkundër faktit që muaji Maj solli disa herë reshje atmosferike./MeteoBallkan
