Të Martën në Kosovë pritet të mbajë mot me diell dhe vranësira krejtësisht të pakta lokale. Atmosfera do të jetë stabile dhe temperatura do të fillojë të rritet duke arritur deri në 30 gradë Celsius maksimalja.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe mjaft i ngrohtë veror. Pasdite rrallë në disa zona malore në jug-juglindje të Shqipërisë dhe disa vise në Maqedoninë Veriore mund të ketë ndonjë rrebesh të izoluar shiu me vetëtima dhe bubullimë.
Mot stabil dhe kryesisht me diell do të vazhdojë të mbajë edhe nga e mërkura e tutje. Nganjëherë do të fryjnë erëra të freskëta nga veriu e verilindja. Pasditeve në jug dhe lindje të Shqipërisë dhe perëndim të Maqedonisë së Veriut në zonat malore mund të ketë zhvillime të rrebesheve të izoluara të shiut me vetëtima dhe bubullimë.
Temperaturat pa ndonjë luhatje të madhe. Në Kosovë maksimalja rreth 30 gradë Celsius, kurse në Shqipëri disa gradë më nxehtë./MeteoBallkan
