Ende jemi nën ndikimin e masave mjaft të nxehta ajrore, por ndryshimi po vjen dhe disa zona do të kenë edhe rrebeshe shiu.
Siç kemi theksuar në shumë postime reshjet do të jenë të karakterit lokal, por në ato zona ku priten mund të ketë ndonjë furtunë të fuqishme me breshër. Ky front do të jetë i ndejshëm sidomon në viset kontinentale dhe atë sidomos në disa pjesë të Kosovës, veri të Malit të Zi, Luginë të Preshevës, disa pjesë të Maqedonisë së Veriut dhe shumë pak pjesë të Shqipërisë kontinentale.
Deri në ardhjen e frontit do të ketë temperatura të larta, pastaj presim freskim dhe destabilizim, vende-vende të fuqishëm të atmosferës.
Fronti i dobët, i ftohtë ajror vjen orëve të pasdites dhe rënia e temperaturave do të ndjehet vonë pasdite dhe në mbrëmje. Shqipëria shumë pak do të ndikohet nga ky fronti i dobët, i ftohtë ajror.
Pra të theksojmë përsëri se reshjet nuk do të kënaqin të gjithë dhe priten vende-vende. Ato zona ku priten do të jenë me fat vetëm të shpresojmë që breshëri të jetë sa më i izoluar. Shumë zona nuk do të kenë fare reshje dhe thatësia ekstreme do të vazhdojë, por në ato zona ku zhvillohen rrebeshet e shiut pritet zbutja sadopak e përkohshme e thatësisë.
Fundjava vjen pak më e freskët. Të Shtunën ende mund të ketë ndonjë rigë ose rrebesh i izoluar shiu, ndërsa të dielën nuk ka më shanse për reshje./MeteoBallkan
