Fronti i ftohtë që solli reshje dhe rrebeshe shiu dje në Slloveni dhe pjesë të Kroacisë e Bosnjës e Hercegovinës sot shumë i dobësuar por mund të shkaktojë destabilizim të pjesshëm të atmosferës edhe në disa nga viset tona.
Stuhi priten në rajonet kufitare Bosnjë-Mali i Zi dhe Serbi, por ka shumë mundësi që ndonjë stuhi të zhvillohet edhe në veri të Republikës së Kosovës dhe ndoshta edhe në juglindje të Kosovës.
Këto zhvillime pritet të jenë të izoluara dhe me shumë gjasa do të ndodhin vetëm në zonat kodrinore-malore të rajoneve që i përmendëm.
Edhe pse në këto raste mund të ndodhë ndonjë “befasi” që ndonjë stuhi të zhvillohet pak më shumë se që është e paraparë nga modelet, por kjo mbetet vetëm të vrojtohet dhe të shihet.
Në përgjithësi vazhdon vapa e fortë verore me freski afatshkurtër në zonat ku eventualisht do të ketë zhvillime konvektive.
Disa zhvillime në viset malore pritet apo mund të ndodhin edhe ditën e nesërme (e diell), ndërsa e Hëna vijon me diell dhe pa gjasa për zhvillime. Nesër zhvillime priten në lindje-juglindje të Shqipërisë, juglindje të Kosovës dhe veriperëndim të Maqedonisë së Veriut.
Të Martën pritet që orëve të pasdites të kemi fillimin e uljes së temperaturave dhe zhvillime lokale të vranësirave konvektive me mundësi për rrebeshe lokale shiu me vetëtima dhe bubullimë./MeteoBallkan
