Sistemet frontale me ajrin më të freskët dhe stuhi shiu po afrohen nga Evropa qendrore dhe Ballkani veriperëndimor së bashku me ciklonin Gjenovian i cili po largohet në drejtim të Evropes verilindore.
Pasi që cikloni sekondar Gjenovian nuk po vjen në drejtim të juglindjes por po shkon në drejtim të verilindjes së Kontinentit evropain atëherë reshjet do të jenë më të pakta në viset tona dhe në shumë zona sidomos në Maqedoninë Veriore dhe Shqipërinë jugore pothuajse nuk do të ketë fare reshje.
Si pasojë e këtyre zhvillimeve do të ketë fuqizim të mëtutjeshëm të erërave jugperëndimore, jugore dhe juglindore në shumë pjesë të Kosovës dhe Shqipërisë sidomos ditën e Martë. Me ardhjen e frontit të ftohtë të Mërkurën pastaj do të fillojnë të fryjnë erëra të freskëta dhe kalimthi të fuqishme nga veriu.
Erërat nga veriu do të kushtëzojnë ulje të ndjeshme të temperaturave dhe rrebeshe lokale shiu të Mërkurën.
Para ardhjes së frontit të ftohtë të martën do të fryjnë erëra mjaft të fuqishme dhe të nxehta ku në disa zona në veri të Shqipërisë dhe pjesë të Kosovës do të krijohen kushte edhe për ndonjë stuhi të fuqishme apo shtrëngatë të izoluar shiu me vetëtima, bubullimë dhe mundësi për breshër. Në viset tjera thatë.
E Mërkura sjellë freskinë e shumëpritur me vranësira e rrebeshe shiu. Të Mërkurën dhe të Enjten do të fryjnë erëra mjaft të freskëta nga veriu e verilindja që në disa momente mund të jenë mjaft të fuqishme sidomos në kohën e kalimit të frontit të ftohtë ajror, por pastaj në përgjithësi pritet stabiliim gradual i atmosferës./MeteoBallkan
