Sot në Kosovë pritet të mbajë mot i paqëndrueshëm, me intervale kohore me diell dhe vranësira të shpeshta të cilat pritet të kushtëzojnë reshje lokale shiu dhe rrebeshe lokale me vetëtima dhe bubullimë. Gjatë dhe pas reshjeve do të depërtojnë masa dukshëm më të freskëta ajrore, prandaj pritet freskim i motit sidomos orëve të pasdites. Temperaturat paradite ende mund të jenë të larta, ndërsa pasdite pritet ulje ndjeshme e tyre.
Në Shqipëri, Maqedoninë Veriore, Luginë të Preshevës dhe Mal të Zi pritet destabilizim i fuqishëm i motit sidomos nga mesdita dhe pasdite me vranësira dhe zhvillime të fuqishme të tyre që do të kushtëzojnë rrebeshe lokale shiu me vetëtima, bubullimë dhe mundësi për breshër. Vende-vende mund të ketë shtrëngata të forta.
Nga e Marta stabilizim i menjëhershëm i motit, megjithatë ende mund të ketë reshje të izoluara sidomos në disa rajone të Shqipërisë dhe Maqedonisë së Veriut. Temperaturat do të rriten menjëherë sidomos të Mërkurën./MeteoBallkan
