Sistemi frontal tani është dyndur në juglindje ku shihen edhe vranësira të shumta në pamjet satelitore dhe këto vranësira ende mbulojnë shumë pjesë të viseve tona sidomos Kosovën, Maqedoninë dhe Shqipërinë, edhe pse perëndimi i Shqipërisë do të ketë tendencë kthjellimi që pastaj do të shtrihet në vise tjera.
Megjithatë, vranësirat mbesin aktive në juglindje më gjatë dhe kjo nënkupton se do të na shoqërojnë edhe neve sidomos pjesë të Kosovës dhe Maqedonisë së Veriut ku sipas ecurive më të fundit nuk do të ketë kthjellim të plotë, por kthjellime të herëpashershme sidomos në zonat perëndimore, ndërsa në lindje mbesin shumë vranësira që do të pengojnë diellosjen.
Sidoqoftë, vranësirat do të mbesin por reshjet atmosferike kanë përfunduar dhe nuk priten më deri të enjten.
Të enjten do të ketë fuqizim të masave ciklonike dhe si pasojë do të ketë rikthim të reshjeve lokale të shiut në pjesë të Kosovë dhe Maqedonisë së Veriut. Në viset e larta malore do të ketë reshje bore.
Reshje të herëpashershme të karakterit lokal të shiut dhe rrebeshe lokale do të ketë të enjten pasdite dhe të premten më të theksuara në pjesë të Kosovës dhe Maqedonisë së Veriut, por këto reshje do të jenë kryesisht të pakta, ndërsa njëkohësisht një tjetër ciklon të shtunën afrohet nga Mesdhe dhe kësaj radhe mbërrin në fundjavë me reshje shiu në gati të gjitha viset duke filluar në Shqipëri, pastaj reshjet do të përhapën në viset tjera të rajonit tonë./
Pra, fundjava do të jetë nën ndikimin e këtij cikloni mesdhetar me reshje të shpeshta shiu, por nuk të mungojnë edhe periudhat pa reshje. Për shkak të rrymimeve ajrore që priten nga jugu nuk do të ketë ulje të theksuar të temperaturave./MeteoBallkan
