Gjatë parashikimit tonë javor kemi përmendur një front të ftohtë ajror që mund të vjen këtë fundjavë, por ka ndodhur ndryshim në gjendjen sinoptike dhe fronti i ftohtë nuk do të vijë farë këtë fundjavë prandaj fundjava do të jetë mjaft e ngrohtë për këtë periudhë kohore.
Fronti i ftohtë i përmendur do të ndalet thellë në territorin e Evropes gjegjësisht në Alpet evropiane dhe nuk do të përparojë drejt Ballkanit këtë vikend.
Si pasojë në drejtim të rajonit tonë do të vazhdojnë rrymime të fuqishme ajrore të ngrohta nga mesdheu dhe Afrika veriore, prandaj temperaturat gjatë fundjavës do të vazhdojnë të jenë mjaft të larta për këtë periudhë kohore në të gjitha viset tona kur priten alternime me intervaleve të gjata kohore me diell dhe vranësirave lokale.
Sidoqoftë, me kalimin e fundjavës dhe fillimin e javës së re do të fillojë dinamizimi gradual i atmosferës dhe ka gjasa që java e ardhshme do të jetë mjaft interesante dhe mjaft dinamike me reshje të shpeshta shiu dhe ndoshta mundësi edhe për ndonjë reshje bore.
Pra ditët e mbetura të kësaj jave dhe fundjava do të jetë pothuajse plotësisht stabile dhe kryesisht me diell, me alternime mes vranësirave të pakta lokale e intervaleve të gjata kohore me diell. Vetëm mëngjeset do të jenë paksa të ftohta.
Java e ardhshme pritet të jetë më mot dukshëm më dinamik por për këtë duhet të presim evoluimin e gjendjes sinoptike./MeteoBallkan
