Slt në Kosovë pritet të mbajë mot me diell dhe shtim të vranësirave. Do të jetë mjaft ngrohtë për këtë periudhë kohore sepse temperatura maksimale mund të arrijë deri në 20 gradë Celsius. Këto masa të ngrohta ajrore janë me origjinë nga Afrika veriore dhe në njëfarë mënyre janë lajmëtare për shirat që do të pasojnë.
Pasdite shira pritet të fillojnë në veriperëndim dhe veri të vendit, ndërsa në mbrëmje dhe gjatë natës edhe në vise tjera.
Në Shqipëri pritet ndryshim gradual i motit. Fillimisht në veri të vendit priten vranësira të dendura me rrebeshe intensive shiu, pastaj më vonë edhe në jug-jugperëndim të vendit, ndërsa shirat pastaj përfshijnë gati tërë vendin. Priten reshje intensive të shpeshta dhe stuhi të shpeshta shiu me vetëtima dhe bubullimë sidomos nga mbrëmja e tutje.
Në Maqedoninë Veriore dhe Luginë të Preshevës e hëna sjell mot mjaft të ngrohtë dhe kryesisht me diell me rrymime të forta ajrore nga jugu. Në Mal të Zi mot krejtësisht ndryshe në shumë pjesë të vendit me vranësira të dendura dhe rrebeshe mjaft intensive.
Të Martën dhe të Mërkurën na pret mot plotësisht i vranët dhe me reshje të dendura atmosferike herë pas here.
Vende-vende priten rrebeshe intensive shiu me vetëtima dhe bubullimë sidomos në shumë vise të Shqipërisë, por reshje të dendura shiu priten edhe në shumë pjesë të Republikës së Kosovës. Të Mërkurën ka mundësi që intensiteti i reshjeve të ulet në Kosovë./MeteoBallkan
