Reshje të dendura bore kanë filluar në Bosnjë dhe Hercegovinë dhe Kroaci të cilat pritet të intensifikohen gjatë ditës së Shtunë. Reshje bore priten edhe në pjesë të Sllovenisë dhe veri të Malit të Zi.
Në anën tjetër në viset tona temperaturat nuk favorizojnë reshjet e borës, prandaj reshjet do të jenë kryesisht në formë shiu, por në disa zona të Kosovës do të ketë edhe pak reshje shqote e bore sidomos të dielën.
Cikloni i krijuar diku në gjirin e Gjenovës moti infuzion të fortë dhe u fuqizuar nga depërtimi i ajrit të ftohtë Arktik në Mesdhe. Ky ciklon është mjaft i pasur me lagështi. Pasi ne jemi në sektorin e nxehtë të ciklonit reshjet do të jenë në formë shiu, kurse nga veriu i Malit të Zi e deri në Slloveni reshjet do të jenë në formë bore. Më së shumti reshje bore priten në Bosnjë dhe Hercegovinë dhe pjesë të Kroacisë.
Reshje të reja shiu gjatë fundjavës priten në Shqipëri të cilat herë pas here do të përfshijnë edhe Kosovën dhe Maqedoninë e Veriut. Në viset kodrinore-malore do të fillojnë reshje shqote e bore, kurse vonë të shtunën dhe të dielen reshje bore të paktën dekorative mund të paraqiten edhe në disa ultësira të Republikës së Kosovës.
Cikloni do të dobësohet gradualisht të dielën dhe do të largohet të hënën kur presim stabilizim të përkohshëm të motit, ndërsa një masë tjetër ciklonike nga Atlantiku pritet të depërtojë në Mesdhe gjatë javës së re duke sjellë reshje të reja shiu fillimisht në Shqipëri, pastaj edhe në Kosovë.
Në aspektin termik temperaturat do të ulën ndjeshëm të shtunën mbrëma sidomos në veri të Kosovës, pastaj gradualisht edhe në viset tjera. Të dielën ulje e temperaturave në gati të gjitha viset, por të hënën pas një mëngjesi të ftohtë temperaturat ditore do të rriten sepse do të fillojnë menjëherë të fryjnë erëra jugore./MeteoBallkan
