Sor në Kosovë pritet të mbajë mot plotësisht i vranët dhe i ftohtë. Vende-vende, herë pas here priten reshje të dobëta atmosferike. Priten fjolla bore, reshje të dobëta shiu dhe lokalisht mund të ketë shi të ngrirë. Pasdite dhe në mbrëmje parashihet një valë pak më intensive reshjesh të përziera; kryesisht shi i dobët në ultësirat e Dukagjinit dhe në të gjitha vise tjera shqotë, borë eventualisht shi i ngrirë në disa zona të ulëta në Rrafshin e Kosovës. Në disa rajone mund të formohen shtresa simbolike dekorative bore, normalisht pak më shumë viset kodrinore-malore.
Temperaturat maksimale nga 3 në Rrafshin e Kosovës deri në 6 gradë Celsius në Dukagjin.
Në Shqipëri, Maqedoninë Veriore, Luginë të Preshevës dhe Mal të Zi e premtja sjellë mot kryesisht të vranësit dhe me reshje lokale shiu. Në pjesë të Shqipërisë priten rrebeshe lokale shiu, ndërsa në veri dhe lindje reshje lokale bore. Në Maqedoninë Veriore kryesisht shi, ndërsa reshje të përziera priten në pjesë të Luginës së Preshevës.
Fundjave vjen e vranët, e shtuna me reshje krejtësisht të dobëta lokale, kurse të dielen mund të kemi intervale kohore me diell dhe rritje të lehta të temperaturave./MeteoBallkan
