Edhe kjo javë do të karakterizohet me mot të ndryshueshëm dhe jo të ftohtë. Do të ketë alternime të shpeshta mes vranësirave e më rrallë intervaleve kohore me diell dhe po ashtu pothuajse çdo ditë do të ketë gjasa për riga lokale shiu. Reshjet nuk do të jenë për të gjithë territorin dhe nuk do të zgjasin shumë. Më shumë reshje priten në Shqipëri.
Nganjëherë priten edhe intervale reshjesh të dendura shiu pasi që ciklone të fuqishme me origjinë nga Atlantiku do të depërtojnë gjatë kësaj jave më shpesh se javë e kaluar.
Presioni i ajrit do të jetë dukshëm më i ulët për shkak të pranisë së masave mjaft të fuqishme ajrore ciklonike, por këto masa ajrore nuk do të sjellin borë sepse siç kemi theksuar rrymimet ajrore vazhdojnë të jenë nga perëndimi dhe jugu gjegjësisht këto rrymime ajrore favorizojnë masat e ngrohta ajrore nga Mesdheu dhe Afrika veriore të depërtojnë në viset tona, prandaj edhe një javë pa reshje bore ose me reshje afatshkurtra bore në disa zona dhe kjo mund të ndodhë në fundjavë.
Reshjet atmosferike do të jenë me ne gjatë tërë javës, por asesi pa nderpre, madje në disa rajone reshjet do të jenë të rralla dhe afatshkurtra, por në zona tjera mjaft të shpeshta.
Në aspektin termik nuk priten luhatje të mëdha të temperaturave.
Pra, nuk po e zgjasim më shumë pasi që pritet një mot gati ngjashëm me javën e kaluar, por dallimi se reshjet do të jenë pak më të shpeshta dhe pak më intensive.
Për të mos e zgjatur do të fokusohemi në postimet ditore në mbrëmje vonë dhe në mëngjes dhe aty i gjeni detajet më të reja nga ecuritë më të fundit sinoptike të cilat do të jenë mjaft dinamike sidomos në fundjavë./,MeteoBallkan
