Nesër në Kosovë pritet ndryshim i motit dhe shtim i konsiderueshëm i vranësirave ku vende-vende priten riga lokale shiu, ndërsa në viset kodrinore-malore mund të ketë reshje të herëpashershme bore. Pak më shumë reshje priten orëve të pasdites dhe mbrëmjes.
Gjatë ditës lokalisht ende mund të ketë intervale të shkurtra kohore me diell, kurse temperaturat do të fillojnë të pësojnë ulje.
Minimalja do të zbres deri në 2 gradë Celsius, kurse maksimalja parashihet rreth 14 apo 15 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi nesër pritet të mbajë mot kryesisht i vranët dhe lokalisht me reshje shiu. Në viset kodrinore-malore do të fillojnë reshjet e borës. Pak më shumë reshje priten orëve të mbrëmjes. Në përgjithësi reshjet do të jenë të pakta me përtjashtim të disa zonave të Shqipërisë dhe Malit të Zi.
Mot kryesisht i vranët dhe me reshje të herëpashershme, lokale shiu, shqote e bore pritet të kemi edhe të mërkurën dhe të enjten. Në Kosovë më së paku reshje dhe ka disa rajone që mund të mbesin fare pa reshje ose reshje simbolike. Fjolla bore mund të paraqiten edhe në disa rajone të ulëta të Kosovës.
Temperaturat do të jenë paksa më të ulëta për shkak të vranësirave dhe erëra më të ftohta nga verilindja dhe veriu.
