Nesër në Kosovë pritet të mbajë mot me diell dhe vranësira të pakta lokale. Do të ketë sërish lokalisht erëra të fuqishme nga jugperëndimi, ndërsa orëve të pasdites parashihen rrebeshe të izoluara shiu me vetëtima dhe bubullimë vetëm në disa zona të izoluara. Shumica e territorit do të mbetet pa reshje.
Temperaturat parashihet të lëvizin nga 6 minimalja deri në 24 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Në veri të Shqipëri dhe në Mal të Zi priten më shumë vranësira dhe reshje të herëpashershme lokale, kurse në viset tjera të rajonit tonë pritet të ketë më shumë e diell e më pak vranësira e rrallë në ndonjë rajon mund të ketë ndonjë rrebesh të izoluar shiu.
Të shtunën destabilizim i fuqishëm i atmosferës. Parashihet të shtim dhe dendësim masiv të vranësirave me reshje shiu e rrebeshe lokale shiu me vetëtima dhe bubullimë. Rrebeshe të fuqishme shiu dhe shtrëngata lokale parashihen në Shqipëri, duke mos përjashtuar edhe disa pjesë të Republikës së Kosovës dhe Maqedoninë Veriore.
Rrebeshe mjaft intensive dhe stuhi të fuqishme parashihen edhe në Mal të Zi. Rrebeshe shiu priten edhe në Luginën e Preshevës.
Temperaturat do të shënojnë ulje për shkak të vranësirave dhe reshjeve që priten.
Të dielën stabilizim gradual i motit. Priten vranësira e intervale kohore me diell dhe reshje të pakta lokale si dhe erëra të freskëta nga veriu./MeteoBallkan
