Pas reshje dhe rrebesheve të djeshme dhe natës e mëngjesit atmosfera tani po stabilozhet, por mbeten vranësira të cilat do të fillojnë të tërhiqen.
Në pjesë të Ballkanit tani ka kthjellim të motit dhe ai kthjellim po vjen në drejtim të viseve tona, por pjesa lindore ka shumë vranësira dhe stuhi shiu. Kthjellimi që po shihet në imazhet satelitore do të përfshijë edhe viset tona dhe si pasojë dita e Premte në Kosovë, Shqipëri dhe rajon pritet të jetë stabile dhe me shumë rreze diellore, megjithatë nuk do të mungojnë vranësirat lokale të cilat nuk do të ndikojnë në stabilitetin atmosferik.
Në aspektin termik pas këtij fronti normalisht kemi ulje të temperaturave, por menjëherë nesër do të kemi shumë më shumë diell dhe rritje të ndjeshme të temperaturave edhe nuk pritet nxehtësi e madhe.
Nën ndikimin e plotë anticiklonik dita e Premte do të jetë kryesisht me diell, e ngrohtë dhe stabile duke mos përjashtuar tërësisht ndonjë rigë të izoluar vetëm në ndonjë rajon të izoluar.
Fundjava do të jetë me diell, megjithatë jo tërësisht stabile, ngase në disa rajone të Kosovës mund të ketë zhvillime të vranësirave konvektive të izoluara që nganjëherë mund të zhvillohen rrebeshe të reja shiu ose ndonjë stuhi e izoluar.
Në Shqipëri atmosfera do të jetë gjithnjë e më stabile dhe me zhvillime shumë më të rralla, për dallim nga disa rajone të Kosovës, Maqedonisë së Veriut dhe veriut të Malit të Zi.
Sidoqoftë, pas një dite turbulente tani vjen përmirësimi i motit, ndërsa nga fundjava na pret mot më i ngrohtë, por jo tërësisht stabil. Po thuajse çdo ditë në disa rajone do të ketë gjasa për zhvillime të izolkuara konvektive.
Këti janë ecuritë më të fundit dhe për çdo ndryshim do të njoftoheni në postimet tona tjera./MeteoBallkan
