Sot në Kosovë pritet të mbajë mot me diell dhe vranësira lokale. Atmosfera do të ketë tendencë stabilizimi, megjithatë rrallë në disa rajone mund të paraqitet ndonjë rigë afatshkurtër shiu.
Temperaturat do të lëvizin nga 15 ajo minimale deri në 31 gradë Celsius ajo maksimale.
Në Shqipëri, Maqedoninë e Veriut, Luginë të Preshevës dhe Mal të Zi dita e martë pritet të jetë me më shumë diell dhe në disa zona edhe me vranësira të cilat mund të kushtëzojnë ndonjë rigë ose rrebesh të shkurtër shiu me ndonjë vetëtimë dhe bubullimë dhe atë me pak gjasa në pjesë të lindjes dhe juglindjes së Shqipërisë.
Mjaft nxehtë në gjysmën perëndimore të Shqipërisë dhe në pjesët qendrore e pak më freskët në pjesën lindore e veriore të vendit.
Nga e mërkura na pret mot kryesisht stabil dhe me diell e shumë pak vranësira. Pasditeve rrallë në disa rajone në jug, lindje dhe juglindje të Shqipërisë mund të ketë ndonjë zhvillim të izoluar konvektiv që do të kushtëzojë ndonjë rrebesh të izoluar shiu me vetëtima dhe bubullimë.
Temperaturat do të shënojnë rritje graduala nga dita në ditë./MeteoBallkan
